ARKEOLOGEN SOM DETEKTIV

”Arkeologi. Historia om historia før historia” er ei bok for nysgjerrigperar i alle aldrar, og for deg som underviser i grunnskulen. Arkeologi inngår i samfunnsfag, men kan også nyttast i ei rekkje andre fag slik som norsk, tekstil/forming og natur og miljø for å nemne noko.

Alle har vi vel ein idè om at arkeologar leitar etter spor frå førhistoria. Men kva er det dei leitar etter, og korleis går dei fram? Korleis er det mogeleg å seie noko om kor gamal ein gjenstand er, og kva kan gjenstanden fortelje om steinalder, bronsealder og jernalder med vikingtid? Dette er nokon av dei mange spørsmåla arkeolog Gro Anita Bårdseth svarer på i denne boka.

Boka føreligg både på nynorsk og bokmål.